“Te Përkrenarja e Skënderbeut, moment emocional.” Kështu e përshkrova këtë ndalesë në Vjenë në postimin tim origjinal. Këtë pjesë mund ta them pa marrë shpjegime prej dikujt tjetër: me e pa përkrenaren kishte rëndësi për mua.
Videoja origjinale e vizitës është pjesë e arkivit të udhëtimit tim nëpër Europë. Këtu e ndaj atë përjetim personal nga pretendimet historike që i shtova përshkrimit.
Objekti dhe dokumentimi i tij
Regjistri i muzeut, A 127, e daton përkrenaren me rezervë në gjysmën e dytë të shekullit XV dhe e dokumenton në inventarin e Ambrasit të vitit 1593. Këto janë dy data me kuptime të ndryshme: njëra i përket vjetërsisë së propozuar, tjetra një dokumenti të ruajtur.
Në përshkrim përmenda edhe Pirron dhe një interpretim më të gjatë në latinisht. Asnjëra nuk bëhet fakt vetëm sepse e vendosa pranë videos. Mbishkrimin dhe interpretimin e tij i kam trajtuar veçmas.
Si ta vazhdosh këtë vizitë
Nëse erdhe këtu nga videoja, fillo me vetë momentin. Pastaj hape regjistrin e muzeut dhe krahasoje me përshkrimin tim. Cilat hollësi e përshkruajnë objektin? Cilat janë interpretime? Kjo është një mënyrë më e dobishme për ta njohur këtë pjesë të trashëgimisë sonë sesa me e përsëritë çdo shpjegim që i bashkëngjitet.
Për vazhdimin e debatit mbi identitetin, lexo çfarë po korrigjoj te referenca ndaj muzeut. Vizita, leximi dhe korrigjimi janë tri pjesë të së njëjtës histori.