Për Valon Asanin | Dashni, vlera dhe rrënjë shqiptare

Jam Valon Asani, themelues shqiptaro-zviceran mes Zürichut e Prishtinës. Ndërtoj kompani, lexoj, ushtroj dhe baj pyetje për njerëzit që po bahemi gjatë kësaj rruge.

Be the one nis me mënyrën qysh i trajton njerëzit.

Për mue, me u ba versioni ma i mirë i vetes do me thanë me e mbajtë fjalën, me i respektu kufijtë, me dashtë pa kontroll dhe me marrë përgjegjësi kur gabon. Besa asht vlerë që dua me e jetu, jo veç fjalë me e tregu.

Pse e ndërtova dua.com.

E themelova dua.com me i ndihmu shqiptarët me u lidhë përtej kufijve. Në vizionin tem, lidhjet me kuptim mund të bahen partneritete të qëndrueshme dhe, për ata që e zgjedhin, familje që ua përcjellin gjuhën e historitë brezave. Kultura e gjallë kërkon kujdes prej një brezi te tjetri. Puna ime përfshin edhe MIK Group, bethe.one e Spotted.

Për çka qëndroj—dhe çka kundërshtoj.

Qëndroj për familje ku njerëzit ndihen të sigurt e të respektuem, për gjuhën e trashëgiminë shqiptare dhe për të drejtën e shqiptarëve me jetu të sigurt në Kosovë e me vendosë vetë për të ardhmen. Kundërshtoj manipulimin, dhunën, fjalën e thyeme, turpin për prejardhjen dhe patriotizmin bosh që kërkon besnikëri pa tregu kujdes.

Kundërshtoj edhe idetë fetare a politike që kërkojnë me e harru gjuhën, kulturën ose njani-tjetrin. I kundërshtoj pretendimet e veprimet nacionaliste serbe kur ia mohojnë Kosovës të drejtën me vendosë vetë ose i kërcënojnë njerëzit e saj. Kritika ime u drejtohet pretendimeve, politikave e veprimeve; nuk asht gjykim për serbët si popull a për njerëzit e cilitdo besim.

Përkatësia asht ma shumë se gjenetika. Familjet e përzime, fëmijët e adoptuem dhe njerëzit pa fëmijë munden me e çu kulturën shqiptare përpara. Vlerat që i zgjedh—besa, mikpritja, guximi e respekti i ndërsjellë—duhet me lanë vend që secili me e zgjedhë jetën e vet.

Ku mendoj me za.

Shkruaj e flas për dashni me respekt, vlera të jetueme dhe rrënjë që i çojmë përpara. Biznesi, teknologjia, shëndeti e jeta mes kulturave janë pjesë e këtyne pyetjeve. Këto janë përvojat e mendimet e mia; faktet i kontrolloj dhe ia la vetes vendin me ndërru mendim.

Fillo me tri temat, shfleto shkrimet ose merri Letrat nga Valoni.