Në përshkrimin e kësaj videoje e ndaj një përvojë personale: mue më janë dashtë ma shumë se dy vjet me u mësu tamam me jetën në Kosovë. Me u kthy nuk do me thanë me u ndi menjëherë i ambientum.
Sa gjatë ke jetu në Zvicër apo Gjermani mundet me ndiku në këtë përshtatje. Me vete i merr shprehitë, pritjet dhe mënyrën qysh e organizon ditën. Me qenë i lidhun me një vend nuk do me thanë që çdo pjesë e jetës së përditshme ka me të ardhë e njohun menjëherë.
Jepi kohë përditshmërisë
Kthimi mundet me pas shumë pritje mbi vete. Don me u ndi mirë menjëherë, sepse ai vend ka rëndësi për ty. Po ndjenja e përkatësisë dhe puna praktike me e ndërtu ritmin e ditës nuk janë krejt i njëjti sen.
Provoje një pyetje ma të vogël se “A e mora vendimin e duhur?” Çka do ta bante një javë të zakonshme ma të qetë? Një rutinë, një bisedë e rregullt ose një mënyrë ma e qartë me e zgjidhë një vështirësi që përsëritet mundet me qenë fillim i mirë.
Vëre krahasimin, po mos jeto veç aty
Krahasimet me vendin që e ke lanë janë të natyrshme. Mund të të ndihmojnë me kuptu çka e çmon. Po mundet edhe me e kthy çdo përvojë të re në garë me një përvojë të vjetër.
Kur e vëren që po krahason, baju konkret. Çka po të mungon saktësisht? Çka mundesh me e rikriju, e çka lyp qasje tjetër? Kjo është bisedë ma e dobishme se me vendosë që gjithçka në njanin shtet është ma mirë.
Koha jeme nuk është afat për ty
Dy e ma shumë vjet që i përmendi janë përvoja jeme. Nuk janë rregull për dikë tjetër, as premtim se qysh ka me u ndi kthimi për ty.
Jepi vetes hapësirë me pa çka po funksionon e çka po të vështirësohet. Pyeti njerëzit për përditshmërinë, edhe për pjesët që nuk dalin në fotografi të pushimeve. Kthimi mundet me pas kuptim e prapë me lyp përshtatje. Me pas nevojë për kohë nuk ta ban lidhjen me Kosovën ma pak të vërtetë.