Një vit i suksesshëm s’ka nevojë me ba zhurmë. Du ma shumë privatësi, ma pak drama, punë që e marr seriozisht, kohë me lëvizë dhe njerëz me të cilët jam vetvetja.
Mundet me tingëllu çuditshëm prej dikujt që ndan ide online. Për mu, dallimi asht mes me nda diçka të dobishme dhe me e organizu krejt jetën sipas asaj qysh ka me u dukë para të tjerëve.
Në listë ishin edhe puna e mirë, me qëndru me kambë në tokë, me lëvizë trupin, me u lutë a meditu dhe me qenë i mirë. Janë drejtime, jo garë për rutinën ma mbresëlënëse.
Gjeje një pjesë të ditës që të asht kthy në shfaqje. Ndoshta e kap telefonin para se me e shiju momentin. Ose pranon plane veç pse don me u pa aty. Provoje me ia kthy atë moment vetes. Mundesh me e shiju diçka pa pasë nevojë me e dëshmu.
Zgjedhe një rregull për këtë javë. «Ma pak drama» mundet me qenë me dalë prej një debati pa kuptim. «Puno mirë» mundet me qenë me e kry një punë me rëndësi para rrjeteve sociale. «Bëhu i mirë» mundet me qenë me dëgju pa e përgatitë përgjigjen.
Në fund të javës, pyete veten a i kanë ngja veprimet tua jetës që don me e jetu. Viti i suksesshëm duhet me u ndi si jeta jote derisa je tue e jetu, jo veç kur e tregon ma vonë.
Për me e zbritë këtë ide në përditshmëri, lexo edhe për zgjedhjet që e formojnë ditën.
Ai përkufizim i një viti të mirë lidhet me llojin e luksit që e du ma shumë: qetësi, njerëz që i du dhe kohë për vete.