35. 40. 55. Cilin numër e ke vendosë si tepër vonë? Me ndërru drejtim s’do me thanë me e fshi atë që e ke mësu. Përvojën e merr me vete.
Ndërrimi i drejtimit s’ka nevojë me qenë mohim i krejt viteve që kaluan. Përvoja vjen me ty, bashkë me atë që mësove për çka të përshtatet e çka jo.
Para se me shpallë një jetë të re, përshkruaje pjesën që don me e ndryshu. A asht vetë puna, mënyra qysh i ke ditët, një zotim që s’e don ma apo një drejtim që e ndjek veç prej shprehisë?
Ky dallim ka rëndësi. Një rutinë tjetër dhe një profesion tjetër s’janë i njëjti vendim. Emërtoje ndryshimin aq qartë sa me i pa pasojat dhe njerëzit që preken prej tij.
Mundesh me nisë me një bisedë, një projekt të vogël ose një periudhë mësimi. Vendos çka don me kuptu prej atij hapi. Mundet me ta vërtetu një interes, me ta zbulu një vështirësi ose me të tregu që pyetja ishte tjetër.
Me nisë prapë mundet me qenë veprim i mendum mirë. S’ke nevojë me e dëshmu guximin tue e këputë përnjëherë krejt jetën e deritashme. Ftesa asht me mos e lanë frikën prej fillimit të ri me vendosë gjithçka për ty.