Një portfolio për aplikim ishte pjesë e përgjigjes teme praktike: krijoje webfaqen tande, ndërtoje profilin në LinkedIn, shtoji punët ma të mira në portfolio, e tani apliko prapë. Qëllimi asht me ia ba ma të lehtë dikujt tjetër me e kuptu punën tande.
Në aplikim mundesh me thanë që je i aftë. Një shembull i përshtatshëm i jep lexuesit diçka konkrete me e vlerësu. Kjo s’ta garanton intervistën, dhe webfaqja personale s’asht kusht për çdo punë. Asht një mënyrë me e përmirësu atë që e ki në dorë.
Portfolio për aplikim: një shembull i fortë
S’ki nevojë me e kthy këtë në projekt gjigant të webfaqes. Fillo me një prezantim të shkurtë, llojin e punës që don me ba dhe një mënyrë të qartë me të kontaktu. Pastaj zgjidhi disa shembuj që i përshtaten pozitës.
Për secilin, shpjegoje problemin, kontributin tand dhe rezultatin që mundesh me e dëshmu ndershmërisht. Nëse ishte punë ekipore, trego cila pjesë ishte e jotja. Nëse ishte ushtrim, thuaje. Mos përdor materiale konfidenciale të klientëve veç me e ba faqen ma mbresëlënëse.
Bane aplikimin tjetër konkret
Profili, portfolio dhe aplikimi duhet me tregu një histori të kuptueshme. Dërgoje shembullin që i përgjigjet nevojës së atij punëdhënësi, pa e detyru me kërku nëpër gjithçka që ke ba. Kontrolloje a hapet linku dhe a lexohet mirë në telefon.
Para se me apliku prapë, kërkoji një shoku me e pa faqen shkurt: a e kupton çka ban, çka ke kontribu dhe qysh me të kontaktu? Aty ku ai ngatërrohet, ti mundesh me e qartësu.
Kjo asht puna prapa përgjigjes teme të shkurtë: jepi lexuesit të aplikimit diçka të qartë e të përshtatshme me e vlerësu. Përmirësoje dëshminë, e provo prapë.
Për kohën mes aplikimeve, lexo edhe për rutinën gjatë kërkimit të punës.