Nëse don me më pyet diçka, nise me dy sene: cili asht problemi dhe për çka po don ndihmë me mendu? Këtë e kërkoj në përshkrimin e videos. Një mesazh i gjatë mundet me pasë shumë dhimbje, por pyetja prapë me mbetë e paqartë.
Në postim e shpjegoj edhe një kufi: nuk jap këshilla personale në chat privat. Pyetjet që i zgjedh i diskutoj përmes videove anonime, që përgjigjja me u hy në punë edhe të tjerëve. Me dërgu pyetje nuk garanton përgjigje apo video.
Jep aq kontekst sa me u kuptu pyetja
Provoje një strukturë të shkurtë: çka ndodhi, çka ke provu deri tash dhe çka po mundohesh me vendosë. S’ke nevojë me e tregu krejt jetën për me e shpjegu një situatë. Nëse janë përzi disa pyetje, zgjedhe atë që ka ma së shumti rëndësi tash.
Për shembull: «Një shok vazhdimisht i anulon planet në momentin e fundit. Ia kam përmendë një herë. Qysh me ia thanë çka më duhet pa e kthy bisedën në grindje?» Ky asht shembull i sajum për shpjegim, jo mesazh i një ndjekësi.
Mos i qit hollësitë private në bisedë publike
Lëri jashtë emnat, numrat e telefonit, vendet e punës dhe hollësitë që mundet me të identifiku ty apo dikë tjetër. Mos dërgo fotografi të bisedave private në vend të përshkrimit të situatës. Edhe pa emën, një storje tepër specifike mundet me e zbulu personin.
Shkruaje sa ma qartë që mundesh. Qëllimi asht me u kuptu ma lehtë, jo me kërku gjuhë të përsosun. Mendoje pyetjen si ftesë me e shqyrtu një çështje bashkë. Një reflektim publik mundet me dhanë këndvështrim; s’mundet me e ditë krejt jetën tande apo me vendosë në vendin tand.