Mas krejt përplasjeve që t’i ka sjellë jeta, ndoshta s’ke nevojë me u kthy te versioni i vjetër i vetes. Kjo është ideja në përshkrimin e kësaj videoje. Mundesh me e ndërtu një version ma të vetëdijshëm, ma të fortë e ma të kujdesshëm.
«Du me u ba prapë vetvetja» mundet me nënkuptu disa sene. Ndoshta të mungon kureshtja, energjia ose lehtësia që e ke pas me njerëz. Jepja emrin asaj që të mungon. S’ke nevojë me e kthy krejt jetën e vjetër për me iu dhanë vend atyne cilësive.
Zgjedhe çka po e merr me vete
Bani dy lista të shkurta. Në të parën shkruaje çka don me mbajtë: një shoqni, një interes krijues, shprehinë me fol sinqerisht. Në të dytën, çka kishe me trajtu ndryshe tash.
Qëllimi është me e zgjedhë ma me vetëdije kapitullin tjetër. Një shprehi e vjetër s’bahet e mirë veç pse të duket e njohun.
Jepi diçka me ba versionit të ri
Me e përshkru personin që don me u ba është një fillim. Një veprim i vogël e ban të dukshëm. Nëse don me qenë ma i besueshëm, zgjedhe një premtim që mundesh me e mbajtë. Nëse don ma shumë kureshtje, jepi vëmendje një pyetjeje pa përgjigje.
Bane veprimin aq të vogël sa me mujtë me e përsëritë. Mundesh me e përshtatë tue mësu. Një ditë e vështirë s’ta fshin punën që e ke ba, dhe s’ke nevojë çdo pengesë me e kthy në gjykim për veten.
Çka don me e marrë me vete? Çka e meriton një përgjigje ndryshe kësaj here? Nise me këto dy pyetje. Versioni tjetër i jetës tande mundet me pas diçka të re.