Pasaporta nuk të ban njeri të suksesshëm e të guximshëm. Ky është mendimi prapa kësaj videoje. Në përshkrim them që duhet guxim me hy “all in” me veten, pavarësisht se ku jeton.
Nuk po them që secili shtet i ofron mundësitë e njëjta. Dokumentet, rrethanat dhe përgjegjësitë ndikojnë në atë që mundesh me ba. Pyetja që dua me e shtru është ma personale: brenda hapësirës që e ke, çka po zgjedh me ba ti?
Ndaje situatën prej hapit të radhës
Është lehtë me e përdorë vendin si shpjegim për gjithçka. Nganjëherë pengesa është reale dhe lyp zgjidhje praktike. Nganjëherë pritja për rrethana tjera bahet mënyrë me e shty tentimin e parë.
Shkruaje çka është jashtë kontrollit tand. Pastaj shkruaje një veprim që mundesh me e ba tash. Mbaji këto dy lista ndamas. Nuk ke nevojë me e mohu vështirësinë për me e kërku një hap të radhës.
Baje përkushtimin konkret
“All in” nuk do me thanë patjetër një vendim dramatik apo me rreziku gjithçka. Mundet me qenë me e marrë seriozisht një premtim ndaj vetes. Me e mësu një aftësi. Me e përfundu një punë. Me e ba një bisedë që po e shtyn.
Zgjedhe diçka mjaft të vogël që mundesh me e ba, dhe mjaft të rëndësishme që ka kuptim për ty. Caktoja kohën. Vendos qysh duket kur është e përfundume. Përkushtimi shihet ma qartë kur është konkret.
Jepi vetes diçka ku mundesh me ndërtu
Në vend se me pyetë a je tashmë njeri i guximshëm, pyete veten cili do të ishte një veprim i guximshëm tash. Ndoshta me kërku ndihmë. Ndoshta me pranu që plani duhet me ndryshu.
Situata jote meriton vlerësim të sinqertë. Edhe aftësia jote me vepru. Zgjedhe një hap për këtë javë, bane dhe shiko çka mësove. Mundesh me e çmu prejardhjen tande pa ia lanë pasaportës me vendosë kush bahesh.